Vaovao
Inona no malaza sy maresaka eto amin'ny firenena
Soatoavina RCR
manjaka ny rariny !
Miisa efatra (04) ireo SOATOAVINA hifampifehezan'ireo mpikambana RCR
Mifameno
Ny RCR dia mametraka ny fifamenoana ho ivon’ny
asany. Mino izahay fa harena
tsy manam-paharoa ho an’ny fiarahamonintsika ny fahasamihafan’ny talenta, ny fahaiza-manao ary ny fomba
fijery. Amin’ny alalan’ny fampiroboroboana ny fiaraha-miasa eo amin’ny olona avy amin’ny lafivalon’ny
fiainana, mikendry ny hamorona vahaolana vaovao sy mifanaraka amin’ny fanamby maoderina izahay. Ho anay,
midika fiaraha-miasa izany, amin’ny alalan’ny fanomezana lanja ny anjara asan’ny tsirairay ho an’ny soa
iombonana.
Mifampiera
Ny fifampierana dia fototra amin’ny fomba
fandraisana fanapahan-kevitra ataonay. Miezaka hitady ny marimaritra iraisana betsaka indrindra, amin’ny
alalan’ny fifampidinihana sy fifanakalozan-kevitra. Mino izahay fa ny fanapahan-kevitra tsara indrindra dia
avy amin’ny dingana ahitana ny fandraisan’anjaran’ny rehetra, izay ahafahan’ny feo tsirairay henoina sy
hodinihina.
Tsy miandany amin’ny finoana
Ny antoko RCR dia miaro ny fitsipiky ny tsy
fiandaniana ara-pivavahana. Manolo-tena izahay hanaja sy hiaro ny fahalalahana ara-tsaina sy ara-pivavahan’ny
tsirairay, sady mitandro ny tsy hahatonga ny raharaha anatiny hiandany amin’ny finoana. Ity tsy fiandaniana
ity no fototra iray lehibe amin’ny fiarahamonina miara-miaina am-pilaminana sy feno fanajana, na inona na
inona finoana.
Samy tompon’andraikitra
Ity foto-kevitry ny RCR ity dia manambara fa
miaraka zakain’ny mpikambana rehetra ny vokatra ato anaty antoko, na ratsy na tsara. Eo ihany koa ny
fahavononana handray andraikitra, ary dia tanterahina hatramin’ny farany izany andraikitra izany araky ny
fahafahana hananan’ny tsirairay.
